عآپ حکومت کی ناک کے نیچے امرتسر میں ڈاکٹر امبیڈکر کا مجسمہ توڑا جانا تشویش ناک: دیویندر یادو

دیویندر یادو کا کہنا ہے کہ پنجاب میں ڈاکٹر امبیڈکر کے مجسمہ کے خلاف برسرعام ایسا واقعہ پیش آنا ثابت کرتا ہے کہ پنجاب میں نظامِ قانون پوری طرح تباہ ہو چکا ہے۔ کہیں نہ کہیں یہ واقعہ دلتوں کی عزت کو ٹھیس پہنچانے کے لیے سازش کے تحت کیا گیا معلوم ہوتا ہے۔ میں کیجریوال سے پوچھنا چاہتا ہوں کہ کیا پنجاب میں بھی پولیس مرکز کے ماتحت ہے؟ دیویندر یادو یہ بھی کہتے ہیں کہ کیجریوال کی دلت مخالف سوچ کے سبب پنجاب اور دہلی میں کہیں نہ کہیں دلت، پسماندہ، اقلیت اور خط افلاس سے نیچے زندگی گزارنے والے لوگ خود کو غیر محفوظ محسوس کر رہے ہیں۔