پنجاب کے امرتسر میں آئین ساز بابا صاحب بھیم راؤ امبیڈ کے مجسمے کو ہتھوڑا مار کر نقصان پہنچانے کا ایک سنگین معاملہ سامنے آیا ہے۔ اس واقعہ نے اب طول پکڑتے ہوئے سیاسی ہنگامہ برپا کر دیا ہے۔ امرتسر واقع سورن مندر کی طرف جانے والی ہیری ٹیج اسٹریٹ پر ٹاؤن ہال میں بی آر امبیڈکر کی مورتی کو توڑا گیا۔ اس سلسلے میں احتجاج کرتے ہوئے لوگ سڑکوں پر اتر چکے ہیں۔
پولیس نے بتایا کہ واقعہ کو لے کر ایف آئی آر درج کرنے کے بعد ملزم کو گرفتار کر لیا گیا ہے۔ آگے کی جانچ جاری ہے۔ اس واقعہ کا ویڈیو سوشل میڈیا پر وائرل ہو چکا ہے، اس میں ایک شخص لمبی اسٹیل کی سیڑھی کا استعمال کرکے ہتھوڑا لے کر مجسمہ پر چڑھتے دیکھا جا سکتا ہے۔
