حیدرآباد: شہرحیدرآباد کے نواحی علاقہ شمس آباد میں پیش آئے سڑک حادثہ میں ایک شخص شدید زخمی ہوگیا۔
یہ حادثہ منگل کی صبح شمس آباد کی حیدرآباد۔بنگلورو قومی شاہراہ پر اُس وقت پیش آیا جب ایک تیز رفتار پرائیویٹ بس نے اس کی کار کو ٹکر دے دی۔
شبہ ہے کہ لاپرواہی سے ڈرائیونگ حادثہ کی وجہ بنی۔ یہ واقعہ اس وقت پیش آیا جب کار تونڈ پلی سے حیدرآباد کی طرف جارہی تھی۔
پولیس کے مطابق جب کارتونڈپلی کے قریب پہنچی تو اسی سمت سے جا رہی بس نے پیچھے سے کار کو ٹکر دے دی۔
ٹکر کی وجہ سے کا ر سڑک کے درمیانی حصے سے ٹکرا گئی۔
ا س حادثہ میں گاڑی کا ڈرائیور زخمی اور گاڑی کو بھی شدید نقصان پہنچا۔حادثہ اتناخطرناک تھا کہ ڈرائیور، کارکے کیبن میں تقریبا ایک گھنٹہ پھنسارہا۔
ہمیں فالو کریں
