مہر خبررساں ایجنسی کے مطابق، صہیونی صحافی عمیحالی اطالی نے غزہ میں عوام کے درمیان القسام فورسز کی موجودگی پر تشویش کا اظہار کیا ہے۔
انہوں نے کہا کہ بدقسمتی سے، 15 ماہ تک جاری رہنے والی جنگ کی ہم نے ناقابل تلافی قیمت ادا کی، لیکن ہم میدان میں فتح یاب نہیں ہوسکے، ہر صیہونی ماں کو معلوم ہونا چاہیے کہ اس کے بچوں کی قسمت ان سیاست دانوں کے ہاتھ میں ہے جو فتح حاصل کرنے سے قاصر ہیں۔
دوسری جانب عبرانی میڈیا نے بتایا ہے کہ غزہ کے مختلف علاقوں میں فلسطینی پرچم لہرا کر اسرائیل کی شکست کا اعلان کیا جا رہا ہے۔
ذرائع کے مطابق وسیع پیمانے پر تباہی کے باوجود غزہ کی مساجد سے بلند ہوتی صدائے تکبیر، چوکوں میں لوگوں کا اجتماع اور مزاحمت کی حمایت میں نعرے اسرائیلی حلقوں میں تشویش کا باعث بنے ہیں اور صیہونی آبادکار نیتن یاہو کو اس ذلت آمیز شکست کا ذمہ دار ٹھہرا رہے ہیں۔
