ریاض ۔ کے این واصف
افسانوی شخصیت کے مالک آسکر ایوارڈ یافتہ معروف موسیقار اے آر رحمان 21 فروری کو ریاض مین لائیو کنسرٹ پیش کرین گے۔ اس کا باضابطہ اعلان بدھ کو ریاض کے کراؤن پلازہ ہوٹل میں منعقدہ ایک پریس کانفرنس میں کیا گیا۔عالمی سطح پر مشہور اور لیجنڈ میوزک کمپوزر، گلوکار، گیت کار اے آر رحمان پہلی بار ریاض میں اپنے فن کا مظاہرہ کرین گے۔ اس کانسرٹ کے لئے عوام کے پسندیدہ گانوں کے انتخاب کے لیے آن لائن پول کرائی جائے گی۔
اے آر رحمان اسٹیج پر لائیو پرفارم کرنے کے لیے عوامی رائے کی بنیاد پر ٹاپ تیس گانوں کا انتخاب کریں گے۔ اس طرح منتظمین اس بات کو یقینی بنائیں گے کہ ایونٹ سے پہلے سامعین کو ایونٹ جوڑین۔ مختلف سوشل میڈیا پلیٹ فارمز پر ووٹنگ کے ذریعے عوام کی رائے اکٹھی کی جائے گی۔لوگوں سے جڑنے کے پہلے قدم کے طور پر، میڈیا کے نمائندوں کے علاوہ کئی کمیونٹی لیڈروں، آل انڈیا اسٹیئرنگ کمیٹی کے اراکین، سماجی اور ثقافتی تنظیموں کے نمائندوں اور سوشل میڈیا پر اثر انداز کرنے والوں کو مدعو ایک پریس کانفرنس مین تفصیلات سے آگاہ کیا گیا۔
وقفہ سوالات کے دوران ایک سوال کے جواب میں کہا کہ وہ اپنے مقبول نمبروں کے علاوہ ریاض کے عربی بولنے والے سامعین کے لیے کچھ خصوصی آئٹمز بھی تیار کریں گے۔انہوں نے کہا کہ پہلے سعودی عرب کے موسیقی کے دلدادہ ان کے لائیو شو میں شرکت کے لیے دبئی جاتے تھے۔ لیکن اب وہ سعودی عرب کے موسیقی کے شائقین کی تفریح کے لیے ریاض آرہے ہیں۔اے آر رحمان لائیو شو کے بارے میں تمام تفصیلات، معلومات اور اپ ڈیٹس www.arrliveinriyadh.com پر دستیاب ہوں گی۔ اس سائٹ پر اگلے ہفتے سے مختلف کیٹیگریز کے ٹکٹ دستیاب ہوں گے۔
کئی ٹی وی چینلز سے وابستہ ایس سینتھل ویلارن نے کہا کہ وہ گزشتہ 4-5 سالوں سے اس ایونٹ کی منصوبہ بندی کر رہے تھے اور امید کرتے تھے کہ اے آر رحمان کے عظیم الشان لائیو شو میں بہت سی مشہور شخصیات شرکت کریں گی۔ آرٹ ڈائرکٹر ویلو سی آر نے کہا کہ موسیقی کے تمام شائقین کی رہائش کے لیے انتظامات کیے جائیں گے۔ای آر ایونٹس کی محترمہ حیفہ نے اے آر رحمان لائیو شو کے ساتھ منسلک ہونے پر اپنی خوشی اور جوش کا اظہار کیا۔
اے آر رحمان لائیو شو کی تشہیر ابھیشیک فلمز اور وائٹ نائٹس کے ذریعے کی جائے گی، جس کا اہتمام ویژولائز ایونٹس کے ذریعے کیا جائے گا، اور ای آر ایونٹس اور اے ایس ای ٹی ٹی کے ذریعے تعاون کیا جائے گا۔ یہ کنسرٹ ریاض کے ثقافتی کیلنڈر کا ایک یادگار پروگرام بنے جارہاہے۔ یہ تقریب 21 فروری 2025 کو جبل اجیاد روڈ، دحیات نمر، ریاض پر واقع دیراب پارک میں منعقد ہوگی۔یہ خطے میں منعقد ہونے والے اب تک کے سب سے بڑے ایشیائی موسیقی کے پروگراموں میں سے ایک ہونے کا یقین دلاتا ہے۔
یہ عظیم الشان تقریب نہ صرف رحمان کی لازوال فنکاری کا جشن منائے گی بلکہ تمام حاضرین یادگار ترین پروگرام ہوگا۔
