[]
حیدرآباد: شہرحیدرآباد کے میلاردیوپلی علاقہ کے ٹاٹانگر میں آگ لگنے کا واقعہ پیش آیا۔یہ آگ میٹریسس کے گودام میں اچانک لگ گئی۔مقامی افراد کی اطلاع پر فائربریگیڈ کے عملہ نے وہاں پہنچ کر آگ پر قابو پایا ۔شارٹ سرکٹ آگ لگنے کی وجہ سمجھی جارہی ہے۔
آگ کے ساتھ کثیف دھواں بھی نظرآیا جس سے مقامی افراد خوفزدہ ہوگئے۔اس واقعہ میں کسی جانی نقصان یا پھر کسی کے جھلسنے کی کوئی اطلاع نہیں ملی البتہ بڑے پیمانہ پر مالی نقصان ضرور ہوا ہے۔
