نارائن پیٹ: 9 جنوری ( پریس نوٹ)محبوب نگر ضلع کے جڑچرل منڈل کے پولے پلی SEZ میں واقع SVKMاسکول میں ریاستی سطح کے سائنس فئیر کا شاندار انعقاد کیا گیا۔ اس فئیر کا کل افتتاح ریاست کے وزیر صحت دامودر راجہ نرسمہا نے کیا۔ پروگرام کے دوسرے دن ریسرچ اسکالر اور فضل الرحمن کی صاحبزادی آمینہ نیلم بھی شریک ہوئیں۔
لائی-فائی پروجیکٹ کی جھلک
سائنس فئیر میں لائی-فائی (Li-Fi) پروجیکٹ سب سے اہم کشش رہا۔ یہ پروجیکٹ بصری روشنی کو جدید طریقے سے استعمال کرتے ہوئے ڈیٹا کی ترسیل پر مبنی تھا اور نمائش کے دوران شاندار ردعمل حاصل کیا۔ اس سے قبل امینہ نیلم نے نرائن پیٹ ضلع کے سطح پر ہونے والے سائنس فئیر مقابلے میں پہلا مقام حاصل کیا تھا۔
مہمانانِ خصوصی کی ستائش
اس موقع پر SCERT حیدرآباد کے شعبہ ریاضیات کے پروفیسر سریش نے لائی-فائی پروجیکٹ کا معائنہ کرتے ہوئے آمینہ نیلم کی غیر معمولی قابلیت کی تعریف کی۔ اسی طرح UTS-TS محبوب نگر ضلعی صدر عبدالسلام نے بھی اس جدید پروجیکٹ کی تعریف کی۔
طلبہ کے لیے حوصلہ افزائی کے کلمات
پروگرام میں سابق وزیر اور موجودہ تلنگانہ اسٹیٹ پلاننگ بورڈ کے وائس چیئرمین چنّا ریڈی نے آمینہ نیلم کے پروجیکٹ کا جائزہ لیا اور ان کی صلاحیتوں کی تعریف کی۔
اسی طرح یونیورسل اسکول کے کرسپانڈنٹ جناب ظہیرالدین نے بھی آمینہ نیلم، ساتویں جماعت کی طالبہ عرشیہ اور گائیڈ ٹیچر مسز اشونی ٹیچر کو مبارکباد پیش کی۔
یہ پروگرام طلبہ کی تخلیقی صلاحیتوں کو فروغ دینے کے لیے ایک پلیٹ فارم کے طور پر ابھرا۔ یہ سائنس فئیر، جو نئے ایجادات کی بنیاد رکھتا ہے، طلبہ کے لیے زبردست حوصلہ افزائی کا ذریعہ ثابت ہوا۔
