حیدرآباد: تلنگانہ کے وزیر صحت دامودر راج نرسمہا نے عوام کو مشورہ دیا کہ ایچ ایم پی وی وائرس سے خوفزدہ نہ ہوں۔ انہوں نے یقین دلایا کہ حکومت کسی بھی صورتحال سے نمٹنے کے لیے تمام ضروری طبی سہولیات اور وسائل کے ساتھ تیار ہے۔
انہوں نے کہا کہ ریاستی حکومت مرکزی وزارت صحت اور دیگر ریاستوں کے ساتھ مل کر وائرس کی صورتحال پر گہری نظر رکھے ہوئے ہے۔ انہوں نے کہا کہ ریاستی محکمہ صحت کے عہدیدارپیشرفت کے بارے میں معلومات حاصل کرنے کے لیے مرکزی حکام کے ساتھ مسلسل رابطے میں ہیں۔
انہوں نے مشورہ دیا کہ سوشل میڈیا پر غلط اور غیر تصدیق شدہ معلومات نہ پھیلائیں جس سے لوگوں میں اس وائرس کے سلسلہ میں غیر ضروری خوف پیدا ہو۔ انہوں نے خبردار کیا کہ حکومت ایسے اقدامات کے خلاف سخت کارروائی کرے گی۔
ہمیں فالو کریں
