جموں: جموں وکشمیر کے ضلع ریاسی کے کٹرہ علاقے میں سی آر پی ایف کے ایک اسسٹنٹ سب انسپکٹر (اے ایس آئی) نے مبینہ طور پر اپنی ہی بندوق سے خود کو گولی مار کر اپنی زندگی تمام کر دی۔
پولیس ذرائع نے بتایا کہ کٹرہ میں شری ماتا ویشنو دیوی کی طرف جانے والے تاراکوٹ راستے کے ساتھ ایک عارضی پکٹ میں تعینات سینٹرل ریزرو پولیس فورس (سی آر پی ایف) کے ایک اہلکار نے اپنے سینے پر گولی مار دی۔
انہوں نے کہا کہ گولی کی آواز سنتے ہی اس کے ساتھی جائے واردات پر پہنچے اور اس کو خون میں لت پت مردہ پایا۔
متوفی اہلکارکی شناخت 55 سالہ راج ناتھ پرساد ساکن بہار کے طور پر کی گئی ہے۔
ان کا کہنا تھا کہ تاہم یہ ابھی معلوم نہیں ہوسکا ہے کہ مذکورہ اہلکار نے یہ انتہائی قدم کیوں اٹھایا۔
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔
ہمیں فالو کریں
