پنجاب کانگریس کے دیگر رہنماؤں میں پرتاپ سنگھ باجوہ نے بھی اس پر ردعمل دیا اور کہا کہ کانگریس پنجاب کے عوام کے ساتھ ہونے والی دھوکہ دہی کو دہلی میں دوہرانا نہیں چاہتی۔ انہوں نے اعلان کیا کہ پنجاب کانگریس کے قائدین جلد ہی دہلی آئیں گے تاکہ پنجاب میں کی گئی دھوکہ دہی کے بارے میں عوامی طور پر آگاہی پیدا کی جا سکے۔
اس احتجاج کے دوران دہلی پولیس نے ان خواتین کو حراست میں لے لیا جو کیجریوال کی رہائش کے باہر احتجاج کر رہی تھیں۔ پولیس کے مطابق یہ خواتین مظاہرے کے دوران سڑک پر رکاوٹ ڈال رہی تھیں جس کی وجہ سے انہیں حراست میں لیا گیا۔
