تلنگانہ کے چیف منسٹر ریونت ریڈی نے مائیکروسافٹ کے سی ای او ستیہ ناڈیلا سے ملاقات کی۔ یہ ملاقات ستیہ ناڈیلا کی رہائش گاہ پر ہوئی،
جہاں وزراء شریدھر بابو، اُتّم کمار ریڈی اور چیف سکریٹری شانتی کماری بھی موجود تھے۔ ملاقات میں اسکل یونیورسٹی میں مائیکروسافٹ کی شراکت، فیوچر سٹی اور اے آئی سٹی کے منصوبوں پر تبادلہ خیال کیا گیا۔
چیف منسٹر نے اے آئی سٹی میں تحقیق اور ترقی (آر اینڈ ڈی) کے قیام میں مائیکروسافٹ کے تعاون پر بات کی۔ کلاؤڈ کمپیوٹنگ کے شعبے میں مرکز برائے مہارت کے قیام پر بھی تبادلہ خیال ہوا، اور چیف منسٹر نے مائیکروسافٹ سے اس مرکز میں کلیدی کردار ادا کرنے کی درخواست کی۔
ریونت ریڈی نے مائیکروسافٹ سی ای او سے اوپن اے آئی کی طرف سے مفت کریڈٹ فراہم کرنے کی درخواست کی
۔ اس کے علاوہ، ریاست میں چار ڈیٹا سینٹرز کے قیام اور حیدرآباد کو مزید ترقی دینے کے حوالے سے مختلف امور پر بھی گفتگو کی گئی۔
