تہران: ایرانی پاسداران انقلاب (IRGC) کے ختم الانبیاء سینٹرل ہیڈ کوارٹر کے کمانڈر غلام علی راشد نے کہا کہ ایران آنے والے دنوں میں جارحانہ اور دفاعی ہتھیاروں کا استعمال کرکے فوجی مشقیں کرے گا۔
فارس نیوز ایجنسی نے بدھ کے روز غلام علی راشد کے حوالے سے بتایا کہ “آنے والے دنوں میں ایرانی عوام کے دشمنوں کی طرف سے پیدا ہونے والے خطرات کا مقابلہ کرنے کے لیے جارحانہ اور دفاعی ہتھیاروں کا استعمال کرکے فوجی مشقوں کی تیاری اور ان کا انعقاد کیا جائے گا۔”
رپورٹ میں مزید کہا گیا کہ ایران میں سالانہ اوسطاً 30 بڑی فوجی مشقیں ختم الانبیاء سینٹرل ہیڈ کوارٹر کی قیادت میں کی جاتی ہیں۔
غلام علی راشد نے مبینہ طور پر کہا کہ اگرچہ ایران اپنے دفاعی نظریے کے مطابق خطے میں کبھی جنگ شروع نہیں کرے گا، تاہم آئندہ مشقیں کسی بھی خطرے کا مقابلہ کرنے کے لیے مسلح افواج کی دفاعی اور جارحانہ تیاریوں کو جانچنے اور بہتر کرنے کے لیے منعقد کی جا رہی ہیں۔
ہمیں فالو کریں
