مہر خبررساں ایجنسی نے اسپوتنک نیوز کے حوالے سے بتایا ہے کہ شام کے مقامی ذرائع نے خبر دی ہے کہ صیہونی فوج نے مزید فوجی سازوسامان مقبوضہ گولان سے جنوبی شام کے صوبہ قنیطرہ کے مختلف علاقوں میں منتقل کردیا ہے۔
ان ذرائع نے کہا کہ اسرائیلی فوج نے قنیطرہ کی صوبائی عمارت کو فوجی مرکز میں تبدیل کرکے فوج تعینات کر دی ہے۔
مقامی ذرائع نے شام کے صوبوں قنیطرہ اور درعا کے مغربی علاقے حوز الیرموک پر اسرائیلی ہیلی کاپٹروں اور جاسوس طیاروں کی وسیع پروازوں کی بھی اطلاع دی ہے۔
واضح رہے کہ دمشق پر دہشت گردوں کے قبضے کے فورا بعد صیہونی حکومت نے 1974 کے جنگ بندی معاہدے کی خلاف ورزی کرتے ہوئے اور شام کی سرزمین میں قبضہ شروع کر دیا ہے اور اس ملک کے اسٹریٹیجک مراکز کو مسلسل نشانہ بنا رہی ہے۔
