[]
حیدرآباد: تلنگانہ کے ضلع جگتیال میں پیداپور کے گروکل کے ایک اور طالب علم یشونت کو جمعرات کی صبح سانپ نے ڈس لیاجس کے بعد اس کو علاج کے لئے ایک پرائیویٹ اسپتال میں داخل کروایاگیا۔
آٹھویں جماعت کے طالب علم یشونت کی ٹانگ اور ہاتھ پر سانپ کے ڈسنے کے نشانات ہیں۔بدھ کے روز 8 ویں کے طالب علم، اکھل کو اس وقت اسپتال میں داخل کروایا گیا جب اس کوسانپ نے ڈس لیا۔
اس واقعہ کے بعد اس کی صحت بگڑگئی اوراس نے الٹیاں کرنی شروع کردیں۔
اس کی کلائی پر سانپ کے کاٹنے کے نشانات تھے۔
اسکول حکام نے بتایا کہ اکھل کی صحت کچھ گھنٹوں کے بعد خراب ہوگئی جبکہ یشونت نے بعد میں علامات ظاہر کیں۔
اس واقعہ کی اطلاع ملتے ہی کلکٹر ستیہ پرساد نے کورٹلہ کے ایک پرائیویٹ اسپتال میں زیر علاج طلباء کی عیادت کی۔
انہوں نے ڈاکٹروں سے بات چیت کرتے ہوئے طلباء کی صحت کے بارے میں معلومات حاصل کیں۔ بعد ازاں انہوں نے سکول کا دورہ کیا۔
ہمیں فالو کریں
