’دنیا کی کوئی طاقت نہیں جو آئین بدل دے‘، امروہہ میں راہل گاندھی اور اکھلیش یادو نے ایک ساتھ کیا مودی حکومت پر حملہ

راہل گاندھی نے بی جے پی حکومت میں ہندوستانی آئین کو لاحق خطرہ کا بھی ذکر کیا اور کہا کہ عوام انھیں یہ موقع ہی نہیں دے گی۔ انھوں نے کہا کہ ’’بی جے پی کے لوگ کہہ رہے ہیں کہ وہ آئین کو بدل دیں گے۔ میں کہنا چاہتا ہوں کہ دنیا میں کوئی طاقت نہیں جو ہندوستانی آئین کو بدل سکے۔‘‘ اس موقع پر کمال اختر، سمر پال سنگھ، راجپال سینی، انجینئر محمد حیدر، صوبائی کانگریس لیڈر اجے رائے، اومکار کٹاریہ، جاوید عابدی، پرمود تیواری، حسن عارف انصاری، سابق ایم ایل سی پرویز محبوب علی اور محبوب علی نے بھی اپنے اپنے خیالات کا اظہار کیا اور انڈیا اتحاد کے امیدوار کنور دانش علی کو کامیاب بنانے کی اپیل کی۔