’مودی لہر کہیں نہیں‘، بی جے پی امیدوار نونیت رانا کے بیان پر جئے رام رمیش نے کہا ’ہم تو یہ کئی ہفتوں سے کہہ رہے‘

بہرحال، نونیت رانا کے ذریعہ دیا گیا ’کوئی مودی لہر نہ ہونے‘ والا بیان اپوزیشن لیڈران کے لیے برسراقتدار طبقہ پر حملہ کا بہترین موقع ثابت ہو رہا ہے۔ این سی پی (شرد پوار گروپ) ترجمان مہیش تپسے نے کہا ہے کہ ’’نونیت نے جو کہا ہے وہ حقیقت ہے۔ بی جے پی خود جانتی ہے کہ مودی لہر نہیں ہے۔ یہ بی جے پی کے انداز سے بھی دکھائی دے رہا ہے۔ وہ ایک کے بعد ایک اپوزیشن لیڈران کو میدان میں اتار رہی ہے۔ جن لیڈروں پر انھوں نے بدعنوانی کے الزامات عائد کیے، انھیں امپورٹ کر رہی ہے۔‘‘ شیوسینا (ادھو ٹھاکرے گروپ) کے سرکردہ لیڈر سنجے راؤت نے بھی اس معاملے میں اپنا رد عمل ظاہر کیا ہے۔ انھوں نے کہا کہ ’’مودی لہر کے بارے میں بھول جائیے۔ کیا پی ایم مودی خود اپنی سیٹ جیت پائیں گے، یہ ایک بڑا سوال ہے۔‘‘