میں نے پارٹی میں انیل انٹونی کو اپنی اولاد کی طرح بڑھایا، اب وہ جو زبان بول رہے ہیں اسے سن کر افسردہ ہوں: ششی تھرور

ترواننت پورم سے مسلسل چوتھی جیت کا ارادہ رکھنے والے کانگریس کے امیدوار ششی تھرور نے کہا کہ حالات وہی ہیں جو 2019 یا اس سے قبل کے انتخابات میں تھے۔ اصل مقابلہ کانگریس اور بی جے پی کے ہی درمیان ہے۔ انہوں نے کہا کہ لوک سبھا کے لیے یہ میرا آخری الیکشن ہے، لیکن اس کا یہ مطلب ہرگز نہیں ہے کہ میں سیاست چھوڑ دوں گا، میں یہیں رہوں گا۔ تھرور نے کہا کہ مجھے اپنی جیت کا یقین ہے۔ واضح رہے کہ ششی تھرور کا مقابلہ مرکزی وزیر مملکت راجیو چندر شیکھر اور سابق ایم پی اور سی پی آئی کے سینئر لیڈر پنین رویندرن سے ہے۔