[]
حیدرآباد: حیدرآبادی طالب علم جو گذشتہ ماہ سے لاپتہ ہوگیا تھا کی لاش امریکہ کے شہر کلیولینڈمیں پائی گئی۔
ناچارم سے تعلق رکھنے والے محمد عبدالعرفات کلیولینڈیونیورسٹی سے گذشتہ سال مئی میں آئی ٹی سے ماسٹرس کی ڈگری کرنے کیلئے امریکہ پہنچے تھے۔
نیویارک میں ہندوستانی قونصل خانہ نے ایکس پر ٹوئیٹ کرتے ہوئے کہاکہ نوجوان،کلیولینڈمیں مردہ پایاگیا۔
قونصل خانہ نے اس نوجوان کے ارکان خاندان سے گہری تعزیت کااظہار کیااورکہاکہ وہ مقامی ایجنسیوں کے ساتھ رابطہ میں ہے تاکہ اس معاملہ کی جانچ کی جاسکے۔
گذشتہ ماہ قونصل خانہ نے کہا تھا کہ وہ مقامی قانون نافذکرنے والی ایجنسیوں کے ساتھ رابطہ میں ہے تاکہ اس نوجوان کی تلاش کی جاسکے۔
قونصل خانہ نے اس نوجوان کی لاش حیدرآباد بھیجنے کے لئے ممکنہ مدد کی یقین دہانی کروائی ہے۔
ہمیں فالو کریں
