امریکہ میں اندوہناک حادثہ، بالٹیمور ہاربر پُل سے ٹکرایا مال بردار جہاز، کئی ہلاکتوں کا اندیشہ

ایک میڈیا رپورٹ میں بتایا گیا ہے کہ حادثہ کے بعد پُل میں آگ لگ گئی اور دیکھتے ہی دیکھتے کئی گاڑیاں نیچے پانی میں گر گئیں۔ یہ بھی بتایا جا رہا ہے کہ پُل جب منہدم ہوا تو کچھ کنسٹرکشن ملازمین بھی وہاں پر موجود تھے جو ندی میں گر گئے۔ اس درمیان کوسٹ گارڈ فورس کے ایک افسر نے بتایا کہ جہاز پر سنگاپور کا پرچم لگا ہوا تھا۔ اس جہاز کا نام ڈالی ہے اور وہ 948 فیٹ لمبا ہے۔ یہ جہاز بالٹیمور سے کولمبو (سری لنکا) کے لیے روانہ ہوا تھا جو فرانسس اسکاٹ کی پُل سے ٹکرا گیا۔ اس پُل کا نام امریکہ کے مشہور رائٹر فرانسس اسکاٹ کے نام پر رکھا گیا تھا۔