[]
’پِنک وِلا‘ کی رپورٹ کے مطابق سہیل خان نے یہ بھی بتایا کہ سلمان خان اس فلم میں ایکشن کرتے نظر آئیں گے۔ سہیل خان اس سے قبل فلم ’اوزار‘، ’پیار کیا توڈرنا کیا‘، ’ہیلو برادر‘ اور’ جئے ہو‘ کی ہدایت کاری کر چکے ہیں۔ ان سب میں سلمان خان مرکزی کردار میں تھے۔ اب ایک بار پھر خان برادران ہنگامہ برپا کرنے جا رہے ہیں۔ اگر ہم سلمان خان کے دیگر پروجیکٹس کی بات کریں تو کچھ دن پہلے سورج بڑجاتیا اور سلمان خان کے بارے میں خبر آئی تھی کہ سورج سلمان کے ساتھ ’پریم کی شادی‘ نامی فلم بنانے جا رہے ہیں لیکن دونوں کے درمیان کچھ اختلافات کی وجہ سے یہ فلم رک گئی۔ اس کے علاوہ سلمان خان اور شاہ رخ خان کی ’ٹائیگر ورسیس پٹھان‘ کی بھی تصدیق کر دی گئی ہے۔
