[]
نئی دہلی: برازیل کے صدر لوئیز اناسیو لولا ڈا سلوا نے اسرائیل پر غزہ پٹی میں فلسطینی شہریوں کے خلاف “نسل کشی” کا الزام عائد کیا اور کہا کہ اس کا موازنہ دوسری جنگ عظیم کے دوران ہولوکاسٹ سے کیا جا رہا ہے۔
“غزہ پٹی میں جو کچھ ہو رہا ہے وہ جنگ نہیں ہے، یہ نسل کشی ہے،” لولا نے ادیس ابابا افریقی یونین کے اجلاس سے خطاب کرتے ہوئے یہ بات کہی۔ انہوں نے کہا یہ فوجیوں کے خلاف فوجیوں کی جنگ نہیں ہے۔ یہ ایک انتہائی تیار فوج اور عورتوں اور بچوں کے درمیان جنگ ہے”۔
انہوں نے مزید کہا کہ “جو کچھ فلسطینی عوام کے ساتھ غزہ پٹی میں ہو رہا ہے، تاریخ میں کسی اور مرحلے پر ایسا نہیں ہوا، درحقیقت یہ اس وقت ہو چکا تھا جب ہٹلر نے یہودیوں کو مارنے کا فیصلہ کیا تھا”۔اسلامی تحریک مزاحمت “حماس” نے برازیل کے صدر لولا ڈی سلوا کے اس بیان کو سراہا، جس انہوں نے غزہ پٹی میں فلسطینی عوام کے قتل عام کو ہولوکاسٹ قرار دیا۔
حماس نے اتوار کی شام ایک بیان میں کہا کہ برازیل کے صدر کا یہ بیان “ہمارے لوگوں کے سامنے آنے والی چیزوں کی درست وضاحت کے تناظر میں آیا ہے۔ یہ بیان صہیونی جرائم کی ہولناکی پر دنیا بھر میں اٹھنے والی آوازوں کا اظہار ہے۔ یورپی ممالک اور امریکہ اسرائیلی دشمن ریاست کے نہتے فلسطینیوں کے خلاف منظم جرائم کی نہ صرف پردہ پوشی کرتے ہیں بلکہ ان جرائم کی حمایت کی جاتی ہے۔
