’نوجوان خالی ہاتھ اور ٹوٹے خوابوں کے ساتھ بھٹک رہے‘، وارانسی میں مودی حکومت پر خوب برسے راہل

قابل ذکر ہے کہ ’بھارت جوڑو نیائے یاترا‘ آج شام 5 بجے تک وارانسی میں چلی اور اب یہ یاترا 18 فروری کو دوپہر بعد پریاگ راج میں شروع ہوگی۔ دراصل راہل گاندھی کو آج ہی وائناڈ کے لیے روانہ ہونا پڑا اور اس سے متعلق کانگریس جنرل سکریٹری جئے رام رمیش نے ایک سوشل میڈیا پوسٹ میں جانکاری دی ہے۔ انھوں نے لکھا ہے کہ ’’وائناڈ میں راہل گاندھی کی موجودگی کی فوری ضرورت ہے۔ وہ آج شام 5 بجے وارانسی سے روانہ ہو رہے ہیں۔ بھارت جوڑو نیائے یاترا کل 18 فروری کو دوپہر 3 بجے پریاگ راج میں پھر سے شروع ہوگی۔‘‘