[]
حیدرآباد: گزشتہ اسمبلی انتخابات کے نتائج میں اقتدار سے محروم ہونے والی بی آر ایس پارٹی کو جھٹکے پے جھٹکے لگتے جارہے ہیں۔ بی آر ایس کے کئی لیڈرس ایک ایک کر کے کانگریس میں شامل ہو رہے ہیں۔
اب بورا بنڈہ کے بی آر ایس کارپوریٹر و سابق ڈپٹی میئر (جی ایچ ایم سی) بابا فصیح الدین نے بھی کانگریس میں شمولیت اختیار کرلی ہے۔
مقامی لیڈروں سے لے کر ریاستی سطح کے لیڈروں تک، پارٹی کی تبدیلی کا سلسلہ جاری رہنے سے بی آر ایس پریشان ہے چونکہ مستقبل میں بھی یہ سلسلہ جاری رہنے کا امکان ہے۔ بی آر ایس پارٹی کی اعلیٰ قیادت میں کنفیوژن شروع ہوگئی ہے۔ حال ہی میں ایک اور اہم قائد نے بی آر ایس چھوڑ کر کانگریس میں شمولیت اختیار کرلی تھی۔
جی ایچ ایم سی کے سابق ڈپٹی میئر، بورابنڈہ کارپوریٹر بابا فصیح الدین نے قبل ازیں بی آر ایس پارٹی سے استعفیٰ دے دیا۔ بابا فصیح الدین نے تلنگانہ کانگریس انچارج دیپا منشی کی موجودگی میں کانگریس میں شمولیت اختیار کرلی۔
اس کے ساتھ ہی بی آر ایس پارٹی کو گریٹر حیدرآباد میں بڑا جھٹکا لگا ہے۔ بابا فصیح الدین کچھ عرصہ سے بی آر ایس کے ورکنگ صدر کے ٹی آر کے طرز عمل سے ناخوش تھے۔
ہمیں فالو کریں
