[]
حیدرآباد: چلوگاوں پروگرام کے حصہ کے طورپربی جے پی کے قومی جنرل سکریٹری و رکن پارلیمنٹ بنڈی سنجے کمار نے تلنگانہ کے کریم نگر ضلع کے رنگا پور گاؤں کا دورہ کیا۔
انہوں نے رات وہیں گذاری۔قبل ازیں انہوں نے گاوں کے مقامی عوام سے ملاقات کرتے ہوئے ان کے مسائل سے واقفیت حاصل کی۔
انہوں نے کہاکہ مرکز کی نریندر مودی حکومت اس گاؤں سمیت ریاست کی پنچایتوں میں تمام ترقیاتی کاموں کے لیے فنڈ فراہم کر رہی ہے۔
انہوں نے کہا کہ ریاستی حکومت پنچایتوں کو رقم نہیں دے رہی ہے اور وہ پنچایت عملے کی تنخواہوں اور بجلی کے بلوں سمیت ہر چیز کے لیے مرکزی فنڈز کا استعمال کر رہی ہے۔
انہوں نے عوام میں مرکزی حکومت کی فلاحی اسکیموں کے بارے میں شعوربیدار کیا۔
ہمیں فالو کریں
