[]
حیدرآباد: تلنگانہ کے پداپلی حلقہ کے سابق رکن اسمبلی بی راج ملوچل بسے۔وہ گذشتہ 20دنوں سے صحت کے مسائل سے دوچارتھے۔
انہوں نے شہرحیدرآباد کے ایک پرائیویٹ اسپتال میں پیر کی صبح آخری سانس لی۔متحدہ آندھراپردیش کے سابق وزیراعلی و تلگودیشم پارٹی کے بانی این ٹی راما راو کے حامی راج ملو، 1994میں پداپلی حلقہ سے اسمبلی کے لئے منتخب ہوئے تھے۔
انہوں نے این ٹی آرابھیمانا سنگم کے لیڈر کے طورپر بھی خدمات انجام دی تھیں۔
راج ملو نے بعد ازاں بی آرایس میں شمولیت اختیار کی تھی اور سال 2023میں منعقدہ اسمبلی انتخابات سے پہلے وہ کانگریس میں شامل ہوگئے تھے۔
ہمیں فالو کریں
