[]
ممبئی: ماڈل اور اداکارہ پونم پانڈے کا جمعہ کو انتقال ہو گیا۔ وہ 32 سال کی تھیں۔ بتایا گیا ہے سروائیکل کینسر کی باعث ان کی موت کی اطلاع دی گئی ہے۔
پونم کی منیجر نکیتا شرما نے اس خبر کی تصدیق کی ہے۔
نکیتا نے انسٹاگرام ہینڈل پر اپنی پوسٹ میں لکھا کہ’’آج کی صبح ہمارے لئے مشکل ہے۔ مجھے یہ بتاتے ہوئے بہت دکھ ہو رہا ہے کہ ہم نے اپنی پیاری پونم کو سروائیکل کینسر کی وجہ سے کھو دیا ہے۔ وہ اپنے رابطے میں آنے والوں سے محبت سے ملتی تھیں۔ انہوں نے جو کچھ کیا ہم اسے پیار سے یاد رکھیں گے۔‘‘
سال 2011 میں کنگ فشر کیلنڈر میں شامل ماڈلز میں پونم بھی شامل تھیں۔ پونم، جو اپنے متنازعہ تبصروں کے لئے جانی جاتی تھیں ، آخری بار کنگنا رناوت کی میزبانی والے ریئلٹی ٹی وی شو ‘لاک اپ’ میں نظر آئی تھیں۔
اس کے علاوہ انہوں نے 2011 کے بگ باس میں حصہ لیا تھا اور 2013 میں فلم نشہ کے ساتھ بالی ووڈ کیریئر کا آغاز کیا تھا۔ انہوں نے 2017 میں جی ایس ٹی (غلطی صرف تمہاری) نامی فلم میں بھی کام کیا تھا۔
سال 2011 میں اس وقت انہوں نے سرخیاں بٹوریں جب انہوں نے ہندوستانی کرکٹ ٹیم کو پیشکش کی تھی کہ اگر اس سال کرکٹ کا ورلڈ کپ جیت جاتی ہے تو وہ ان کے لئے اپنے کپڑے اتارے گی۔ اسی طرح کے متنازعہ کاموں کے لئے اس نے کافی شہرت اختیار کرلی تھی۔
انٹرنیٹ یوزرس سوشیل میڈیا کے ہر پلیٹ فارم پونم پانڈے کی موت پر دکھ اور صدمے کا اظہار کررہے ہیں۔
ہمیں فالو کریں
