[]
حیدرآباد:متحدہ آندھراپردیش کی تقسیم کے ذریعہ تلنگانہ کی تشکیل کے بعداے پی میں خدمات کے لئے بھیجے گئے تلنگانہ سکریٹریٹ کے 148 ملازمین کو دوبارہ تلنگانہ سکریٹریٹ میں خدمات کا موقع فراہم کرنے سے تلنگانہ کے چیف منسٹر ریونت ریڈی نے اتفاق کرتے ہوئے متعلقہ فائل پر دستخط کردیئے ہیں۔
دونوں ریاستوں تلنگانہ اور اے پی کے مشترکہ سکریٹریٹ میں خدمات انجام دینے والے تلنگانہ کے 148ملازمین کو آندھراپردیش کی تقسیم کے موقع پر اے پی کے لئے الاٹ کیاگیا تھا۔ان کو تلنگانہ میں واپسی پر خدمات کا موقع دوبارہ فراہم کیاگیا ۔
تاہم سکریٹریٹ میں کوئی عہدے خالی نہ ہونے پر ان کو مختلف شعبہ جات کے سربراہوں کے دفاتر میں خدمات کا موقع فراہم کیاگیا تھا۔یہ ملازمین مطالبہ کررہے تھے کہ ان کو سکریٹریٹ میں ان کے سابقہ عہدے ہی فراہم کئے جائیں۔ان کی اس درخواست پر وزیراعلی نے مثبت ردعمل ظاہر کرتے ہوئے اس سلسلہ میں فائل پردستخط کردیئے۔
ہمیں فالو کریں
