[]
حیدرآباد: چندرائن گٹہ پولیس نے 5 افراد بشمول 2 نالغوں کو گرفتار کر کے ان کے قبضہ سے 6 موٹر سائیکلیں ضبط کرلئے۔
چندرائن گٹہ ایڈیشنل ڈپٹی کمشنر پولیس جی منوہر نے پریس کانفرنس میں بتایا کہ ریشم باغ، گولکنڈہ کے 19 سالہ محمد عزیز، چھتری ناکہ کے 20 سالہ مہاراج شریف، چندرائن گٹہ کے 21 سال محمد جانی پاشاہ اور 2 نا بالغوں کو گرفتار کیا گیا۔
ان کے قبضہ سے 6 مسروقہ موٹر سائیکلیں برآمد کرلی گئیں۔ مذکورہ دو نابالغ گاڑیوں کا سراغ لگاتے تھے جس کے بعد گاڑیوں کا سرقہ کیا جاتا تھا۔
ایک ماہ کے دوران یہ ٹولی 6 موٹر سائیکلیں صرف چندرائن گٹہ علاقہ سے سرقہ کی تھیں۔ ان سارقوں کی گرفتاری میں اہم رول ادا کرنے والوں میں ڈیٹکٹیو سب انسپکٹر محمد عبدالحسن اور کرائم ٹیم شامل ہیں۔
ہمیں فالو کریں
