سچن تندولکر بھی ’ڈیپ فیک‘ کا شکار، سوشل میڈیا پر خود دی جانکاری، حکومت سخت قانون بنانے کے لیے پرعزم

[]

سچن تندولکر نے ’ڈیپ فیک‘ ویڈیو پوسٹ کرتے ہوئے لکھا ہے ’’یہ ویڈیو نقلی ہے اور آپ کو دھوکہ دینے کے لیے بنائی گئی ہے، ٹیکنالوجی کا اس طرح غلط استعمال کرنا ٹھیک نہیں ہے۔‘‘

<div class="paragraphs"><p>سچن تندولکر کی فائل تصویر، سوشل میڈیا</p></div>

سچن تندولکر کی فائل تصویر، سوشل میڈیا

user

رشمیکا مندانا اور کاجول جیسی کئی مشہور شخصیات ڈیپ فیک ویڈیو کا شکار ہو چکی ہیں، اور اب اس میں سچن تندولکر کا نام بھی شامل ہو گیا۔ اس بات کی جانکاری خود ہندوستان کے سابق کرکٹر سچن تندولکر نے سوشل میڈیا پر ایک پوسٹ کرتے ہوئے دی ہے۔ انھوں نے ’ڈپ فیک‘ ویڈیو شیئر کرتے ہوئے لکھا ہے ’’یہ ویڈیو نقلی ہے اور آپ کو دھوکہ دینے کے لیے بنائی گئی ہے۔‘‘

پوسٹ میں سچن تندولکر نے ٹیکنالوجی کے غلط استعمال پر اظہارِ فکر بھی کیا ہے۔ انھوں نے لکھا ہے ’’ٹیکنالوجی کا اس طرح سے غلط استعمال کرنا ٹھیک نہیں ہے۔ آپ سب سے گزارش ہے کہ ایسی ویڈیو یا ایپ یا اشتہار آپ کو اگر نظر آئے تو انھیں فوراً رپورٹ کریں۔ سوشل میڈیا پلیٹ فارمز کو بھی محتاط رہنا چاہیے اور ان کے خلاف کی گئی شکایت پر جلد از جلد کارروائی کرنی چاہیے۔ ان کا کردار اس بارے میں بہت ضروری ہے تاکہ غلط جانکاری اور خبروں کو روکا جا سکے اور ’ڈیپ فیک‘ کا غلط استعمال ختم ہو۔‘‘

دراصل جو ’ڈیپ فیک‘ ویڈیو سچن تندولکر نے شیئر کی ہے اس میں وہ گیمنگ سے جڑے ایک ایپ کی تشہیر کرتے ہوئے دکھائی دے  رہے ہیں۔ یہ ایپلی کیشن صارفین کو آسانی سے پیسے کمانے کا لالچ دیتا ہے۔ ویڈیو میں سچن تندولکر یہ دعویٰ کرتے ہوئے بھی دکھائی دے  رہے ہیں کہ ان کی بیٹی سارا بھی اس گیم کو کھیل کر خوب پیسے کما رہی ہیں۔ حالانکہ سچن تندولکر نے اس ویڈیو کو جھوٹ پر مبنی قرار دے کر سبھی کو الرٹ کر دیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;



[]

Leave a Reply

Your email address will not be published. Required fields are marked *