تلنگانہ میں شرمناک شکست کے بعد ’بی آر ایس‘ پھر سے ’ٹی آر ایس‘ بننے کی راہ تلاش کر رہا!

تلنگانہ میں 10 سالوں سے برسراقتدار ’ٹی آر ایس‘ (تلنگانہ راشٹر سمیتی) نے 2023 کا اسمبلی انتخاب ’بی آر ایس‘ (بھارت راشٹر سمیتی) کے نام سے لڑا۔ یہ نام پارٹی کے لیے اچھا نتیجہ برآمد نہیں کر سکا اور ریاست میں کے. چندرشیکھر راؤ (کے سی آر) کی اس پارٹی کو شرمناک شکست کا سامنا کرنا پڑا۔ 119 اسمبلی نشستوں والی اس ریاست میں برسراقتدار بی آر ایس کو محض 39 سیٹیں حاصل ہو سکیں اور کانگریس نے ریکارڈ ساز فتح حاصل کرتے ہوئے 64 نشستوں پر کامیابی حاصل کی۔ اس شرمناک شکست کے بعد پارٹی کا نام ’بی آر ایس‘ سے بدل کر پھر ’ٹی آر ایس‘ کرنے کی سگبگاہٹ شروع ہو گئی ہے۔