[]
نئی دہلی: چیف منسٹر دہلی اروند کجریوال کا صدر سواتی مالیوال جو آنے والے راجیہ سبھا انتخابات کے لیے امیدواروں میں شامل ہیں کا استعفیٰ قبول کرکے لیفٹیننٹ گورنر کو روانہ کردیا۔ عہدیداروں نے آج یہ بات بتائی۔ مالیوال پیر کے دن راجیہ سبھا انتخابات میں مقابلہ کرنے ا پنا پرچہ نامزدگی داخل کریں گی۔
عام آدمی پارٹی نے جمعہ کے دن راجیہ سبھا انتخابات کے لیے مالیوال کو نامزد کیا تھا۔ سنجے سنگھ اور نارائن داس گپتا کو بھی دوسری میعاد کے لیے امیدوار نامزد کیا گیا ہے۔ پارٹی کی سیاسی امور کمیٹی صدر کجریوال جو پارٹی کے قومی کنوینر بھی ہیں کی زیرصدارت اجلاس میں راجیہ سبھا کے امیدواروں کی نامزدگی کی گئی تھی۔
سنجے سنگھ، سشیل کمار کپتا اور نارائن داس گپتا کی 6 سالہ میعاد 27 جنوری کو ختم ہونے والی ہے۔ مالیوال، سشیل کمار گپتا کی جگہ لیں گی جو ہریانہ میں پارٹی صدر ہیں اور دہلی سے عام آدمی پارٹی کی تریسری رکن راجیہ سبھا ہوں گی۔
عاپ نے جمعہ کے دن بتایا تھا کہ سشیل کمار گپتا نے خواہش ظاہر کی تھی کہ وہ ہریانہ کی انتخابی سیاست پر توجہ مرکوز کرنا چاہتے ہیں۔ ضرورت پیش آنے پر تین نشستوں کے لیے انتخابات 19 جنوری کو منعقد ہوں گے۔
پرچہ نامزدگی داخل کرنے کی آخری تاریخ 9 جنوری اور نامزدگیوں کی جانچ کی تاریخ جب کہ 10 جنوری اور دست برداری کی آخری تاریخ 12 جنوری ہے۔ 70 نشستی دہلی اسمبلی میں عام آدمی پارٹی کے ارکان کی تعداد 62 ہے، جب کہ بی جے پی کے ارکان کی تعداد صرف 8 ہے۔
ہمیں فالو کریں
