[]
حیدرآباد: تلنگانہ کے وزیر بجلی جگدیش ریڈی نے کہا ہے کہ یادادری بھونگیر ضلع مستقرمیں امبیڈکر بھون کی تعمیر کے اقدامات کئے جائیں گے۔
بھونگیر بار اسوسی ایشن کے صدر این انجیا کی قیادت میں وکلاء کے ایک وفدنے وزیر جگدیش ریڈی سے ملاقات کی اور امبیڈکر بھون کی تعمیر کے کے سلسلہ میں نمائندگی کی۔
اس موقع پر وزیر موصوف نے کہا کہ بابائے دستور ہند باباصاحب امبیڈکر کے نام سے بھون کی تعمیر کے لیے منظور شدہ دو کروڑ کے فنڈس میں سے تعمیر جاری ہے۔
انہوں نے کہا کہ بقیہ 40 لاکھ روپئے کے ساتھ ضروری فنڈس کی منظوری دی جائے گی اور امبیڈکر بھون کی عمارت کو مکمل کیا جائے گا۔
انہوں نے کہا کہ تلنگانہ ریاست امبیڈکر کے ذریعہ وضع کردہ آرٹیکل 3 کے ذریعہ ہی ممکن ہوپائی ہے۔
