[]
حیدرآباد: تلنگانہ کے جئے شنکربھوپال پلی ضلع میں پیش آئے سڑک حادثہ میں وین ڈرائیورہلاک ہوگیا۔یہ حادثہ اتوار کی صبح کی اولین ساعتوں میں کوتہ پلی کے قریب بھوپال پلی کی شاہراہ پر اُس وقت پیش آیا جب بس اور ڈی سی ایم وین کا تصادم ہوگیا۔
حادثہ اتنا شدید تھا کہ وین کا ڈرائیورموقع پر ہی ہلاک ہوگیاجبکہ آرٹی سی بس کے بعض مسافرین معمولی زخمی ہوگئے۔حادثہ کے نتیجہ میں بس کے سامنے کے حصہ کو نقصان پہنچا۔
مقامی افراد نے کہا کہ کہر کے نتیجہ میں یہ حادثہ پیش آیا۔اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے بھیج دیااور اس سلسلہ میں ایک معاملہ درج کرکے جانچ شروع کردی۔
ہمیں فالو کریں
