[]
حیدرآباد:مرکزی وزیرسیاحت جی کشن ریڈی نے اس یقین کااظہار کیا ہے کہ لوک سبھا انتخابات میں بھاری اکثریت سے بی جے پی کامیاب ہوگی اور مودی وزیراعظم کے طورپر ہیٹ ٹرک کریں گے۔ انہوں نے حیدرآباد کے نامپلی میں بی جے پی کے دفتر میں میڈیا سے بات کرتے ہوئے کہاکہ تلنگانہ میں بی جے پی کو زیادہ نشستیں حاصل ہوں گی۔
انہوں نے کہا کہ پانچ ریاستوں کے اسمبلی انتخابات کو سیمی فائنل کے طور پر دیکھاگیا ہے۔ پانچوں ریاستوں میں انہوں نے بی جے پی کے خلاف برا پروپگنڈہ کرتے ہوئے سیاسی فائدہ حاصل کرنے کی کوشش کی گئی۔
انہوں نے کہا کہ عوام کا ماننا ہے کہ وزیر اعظم مودی کی قیادت میں ملک ترقی کر رہا ہے، اسی لیے لوک سبھا انتخابات میں تمام طبقات بی جے پی کے ساتھ ہیں۔
ہمیں فالو کریں
