[]
لکھنو: لکھنوڈیولپمنٹ اتھاریٹی(ایل ڈی اے) آئندہ ہفتہ سے پوش ڈالی باغ علاقہ میں 20ہزارمربع فٹ کے پلاٹ پر کفایتی اپارٹمنٹس کی تعمیر شروع کرے گی۔
اس پلاٹ کو جرائم پیشہ سرغنہ وسیاستداں مختارانصاری کے قبضہ سے آزادکرایاگیاتھا۔ ایل ڈی اے 2 چارمنزلہ عمارتیں تعمیرکرناچاہتی ہے۔
معاشی پسماندہ لوگوں کے لئے ہرعمارت میں 36 کفایتی فلیٹ ہوں گے۔ اسسٹنٹ انجینئر کے پی گپتا نے کہا کہ حکومت نے اکتوبر میں اراضی ایل ڈی اے کے حوالے کی تھی۔
تعمیر اندرون ایک ہفتہ شروع ہوجائے گی اور سال 2024ء کے اختتام تک اسے مکمل کرلیاجائے گا۔ ڈسٹرکٹ اربن ڈیولپمنٹ اتھاریٹی مستحق افراد کو اندرون ایک سال فلیٹس الاٹ کرے گی۔
تعمیراتی ٹھیکہ تین کروڑ 50 لاکھ کا ہے جو گورکھپور کی ایک خانگی کمپنی کو دیاگیا ہے۔ ہرفلیٹ کی قیمت اندازے کے مطابق (سبسیڈی کے بعد) 4 لاکھ 50ہزار روپئے ہوگی۔
ہمیں فالو کریں
