[]
بنگلورو: کرناٹک کے وزیر اعلیٰ سدارامیا نے ہفتہ کو واضح کیا کہ ریاستی حکومت نے حجاب پر سے پابندی کو ابھی تک نہیں ہٹایا ہے، لیکن اس پر سرکاری سطح پر بات چیت کے بعد فیصلہ کیا جائے گا۔انہوں نے یہاں نامہ نگاروں کو بتایاکہ ”ہم نے ابھی تک ایسا (حجاب پر پابندی ہٹانا) نہیں کیا ہے۔
کسی نے مجھ سے (حجاب پر پابندی ہٹانے پر) سوال پوچھا تھا تو میں نے جواب دیا کہ حکومت اسے ہٹانے پر غور کر رہی ہے۔حجاب پر پابندی ہٹانے کی ٹائم لائن کے بارے میں ایک سوال کے جواب میں سدارامیا نے کہاکہ ”یہ سرکاری سطح پر بات چیت کے بعد کیا جائے گا۔
قبل ازیں مرکزی وزیر گری راج سنگھ نے کہا کہ اگر کانگریس لیڈر راہل گاندھی، کانگریس اور ہندوستان کی مخلوط حکومت بنتی ہے تو ملک میں شریعت نافذ ہو جائے گی۔انہوں نے یہاں نامہ نگاروں سے کہاکہ ”کرناٹک میں کانگریس کی حکومت ہے۔ وہ ریاست کے تعلیمی اداروں میں حجاب پر پابندی ہٹانا چاہتی ہے۔
یہ صرف حجاب پر سے پابندی کا خاتمہ نہیں ہے بلکہ ریاست میں شرعی قانون کا قیام ہے۔ اگر راہول گاندھی، کانگریس اور انڈیا اتحاد ملک میں حکومت بناتا ہے تو اسلامی قانون نافذ کیا جائے گا۔ سنگھ نے یہاں نامہ نگاروں سے کہا کہ جہاں جہاں کانگریس کی حکومت ہے وہاں شریعت قائم کرنے کی کوشش کی گئی ہے۔
کرناٹک بی جے پی کے صدر وجیندر یدیورپا نے بھی کہا کہ سدارامیا کا بیان کرناٹک میں کانگریس کے حقیقی ارادوں کو ظاہر کرتا ہے۔ انہوں نے کہا کہ کرناٹک میں کانگریس حکومت ایسے بیانات دے رہی ہے کیونکہ پانچ ریاستوں کے انتخابی نتائج کے بعد اسے احساس ہو گیا ہے کہ وہ اگلے لوک سبھا انتخابات نہیں جیت رہی ہے۔
کانگریس اور انڈیا اتحاد نے پوری طرح امید کھو دی ہے۔انہوں نے کہاکہ ”یہی وجہ ہے کہ کرناٹک کی کانگریس حکومت اسکولوں اور کالجوں میں حجاب کی اجازت دینے کے اس درجے پر جھک گئی ہے۔“
اقامتی اسکولس کے آوٹ سورسڈ ملازمین کو تنخواہ کی عدم اجرائی
حیدرآباد۔23 /دسمبر (منصف ویب ڈیسک) تلنگانہ مائنارٹیز ریسیڈنشیل ایجوکیشنل انسٹی ٹیوٹس سوسائٹی کے تحت چلائے جانے والے اقامتی اسکولس کے اوٹ سورس ملازمین کو ماہ نومبر کی تنخواہیں تاحال ایصال نہیں کی گئیں۔ بتایا جاتا ہے کہ ماضی میں کبھی تنخواہوں کی اجرائی میں اتنی تاخیر نہیں ہوئی ہے۔ اگرچہ سوسائٹی کے تحت چلائے جانے والے 205 اقامتی اسکولس کے ریگولر عملہ کی تنخواہیں ایصال کی جاچکی ہیں مگر وہ ملازمین جن کی خدمات اوٹ سورس اساس پر حاصل کی جارہی ہیں اس مرتبہ تنخواہوں سے محروم کردئیے گئے ہیں۔ بتایا جاتا ہے کہ تقریباً 4,000 ملازمین کو جاری ماہ تنخواہ ایصال نہیں کی گئیں۔ بتایا جاتا ہے کہ سوسائٹی کے فنڈس کو دیگر مدات پر صرف کردئیے جانے کے باعث سوسائٹی‘ تنخواہیں ایصال کرنے کے مؤقف میں نہیں ہے۔
تلنگانہ میں کووڈ ٹسٹنگ بڑھانے کا فیصلہ
حیدرآباد 23 دسمبر (منصف بیورو) ریاستی وزیر صحت دامودر راج نرسمہا نے اعلیٰ حکام کو ہدایات دی کہ وہ کورونا کے پھیلاؤ کے پیش نظر پیشگی احتیاطی انتظامات کریں۔ آج طب اور صحت کے محکمے کے متعلق منعقدہ جائزہ اجلاس سے خطاب کرتے ہوئے انہوں نے کہا کہ پی ایس اے پلانٹس کے کام نہ کرنے کے مسائل کو جلد از جلد حل کیا جانا چاہئے۔ انہوں نے وافر مقدار میں ادویات اور تکنیکی مشینری تیار کرنے کا حکم دیا۔عہدیداروں نے وزیر صحت کو بتایا کہ ریاست بھر میں 34 سرکاری لیبارٹریوں میں 16500 نمونوں کی جانچ کی گنجائش ہے۔ اس کے علاوہ خانگی شعبہ میں 84 لیابس دستیاب ہیں۔ حکام نے بتایا کہ گزشتہ دو ہفتوں سے 6000 سے زائد نمونے حاصل کیے جا چکے ہیں۔ کووڈ ٹیسٹوں کی صلاحیت کو بڑھانے کے لیے انہوں نے کہا کہ وہ روزانہ کم از کم 4000 ٹیسٹ کرنے کے لیے اقدامات کریں۔ راج نرسمہا نے حکام کو ہدایت کی کہ وہ روزانہ شام 4 بجے تک کووڈ 19 کی روزانہ کی رپورٹ پریس کے لیے جاری کریں۔ دامودر راج نرسمہا نے گزشتہ 4 سالوں میں سی ایس آر کی شراکت کی فہرست تیار کرنے اور رپورٹ پیش کرنے کی بھی ہدایت دی۔
ہمیں فالو کریں
