[]
مہر خبررساں ایجنسی – بین الاقوامی ڈیسک: اقوام متحدہ کی ریسرچ اینڈ ورک ایجنسی میں رجسٹرڈ فلسطینی پناہ گزینوں کی کل تعداد فلسطینی مہاجرین کا دس فیصد ہے جو کہ لبنان کی آبادی کا گیارہ فیصد بنتی ہے۔ یہ پناہ گزین درجنوں کیمپوں میں رہتے ہیں، جن میں سے 12 کو سرکاری طور پر رجسٹر کیا جا چکا ہے۔
بے گھر افراد میں سے نصف سے زیادہ 12 کیمپوں میں رہتے ہیں جو مذکورہ ایجنسی کے زیر اہتمام پہچانے گئے ہیں۔
مہر خبررساں ایجنسی نے ان کیمپوں کی صورت حال کا مشاہدہ کرنے کے لئے متعدد کیمپوں کا دورہ کرکے لوگوں سے بات چیت کرنے کا فیصلہ کیا۔ اس سلسلے میں ہم بیروت سے صور شہر اور البرج الشمالی کیمپ گئے جو کئی بار خانہ جنگی کا شکار رہے ہیں۔
یہ کیمپ جنوبی علاقے کے شمال میں ساحلی شہر صور کے مشرق میں واقع ہے اور اسے 1955 میں قائم کیا گیا تھا۔ 2003 کے اعدادوشمار کے مطابق کیمپ میں مقیم فلسطینیوں کی تعداد 18,375 ہے۔
یہ پناہ گرزین کیمپ ہمیشہ الفتح گروپ اور تحریک حماس کے ارکان کے درمیان کشیدگی کا مشاہدہ کرتا رہا ہے جو اس کیمپ کی گلیوں میں مسلح تصادم کا باعث بنی۔ یہی وجہ ہے کہ میڈیا خاص طور پر ایرانی ذرائع ابلاغ کی اس کیمپ میں موجودگی مشکلات سے خالی نہیں۔
شمالی ٹاور کیمپ تک پہنچنے کے لیے ہمیں بیروت سے لبنان کے جنوب میں اور ساحلی پٹی کے ساتھ ساتھ 80 کلومیٹر کا سفر طے کر کے صور شہر پہنچنا پڑتا ہے۔ بیروت سے صور شہر تک کا 80 کلومیٹر کا راستہ چھوٹے اور بڑے دیہاتوں اور قصبوں سے بھرا ہوا ہے اور تقریباً کوئی بھی جگہ سرکاری اور صنعتی عمارتوں اور سہولیات اور رہائشی علاقوں سے خالی نہیں ہے۔
اس راستے پر ہم بحیرہ روم کے مشرق میں واقع ایک ساحلی شہر صیدا پہنچتے ہیں جو کہ ایک خوبصورت اور تاریخی شہر ہونے کے ساتھ آبادی کے لحاظ سے بیروت اور طرابلس کے بعد لبنان کا تیسرا بڑا شہر اور جنوبی لبنان کا دارالحکومت ہے۔
یہ شہر دنیا کے قدیم ترین شہروں میں سے ایک ہے جو ابھی تک آباد ہے۔ صیدا صور سے 40 کلومیٹر شمال میں اور لبنان کے دارالحکومت بیروت سے 45 کلومیٹر جنوب میں واقع ہے۔ مقامی اندازوں کے مطابق اعداد و شمار کی کمی کی وجہ سے اس کی آبادی تقریباً 250,000 افراد پر مشتمل ہے۔
جیسے جیسے ہم صور شہر کے قریب پہنچتے ہیں، ہم باغات اور زرعی زمینوں کی تعداد میں اضافہ دیکھتے ہیں، جو بنیادی طور پر کیلے کی پیداوار کے لیے وقف ہیں۔ آخر میں، ہم صور کے خوبصورت ساحلی شہر میں داخل ہوتے ہیں، وہی شہر جو شہید پرور ہے، جو لبنان میں مزاحمت کے معروف شہداء کی ایک بڑی تعداد کی جنم بھومی ہے۔ صور دنیا کے قدیم ترین شہروں میں سے ایک ہے، جو 4000 سال سے زیادہ پرانا ہے اور تقریباً مسلسل آباد ہے۔ یہ شہر فینیقیوں کے اہم ترین شہروں میں سے ایک تھا اسی لئے یورپ کی جنم بھومی کہلاتا ہے۔
صور شہر سے تین کلومیٹر کا سفر طے کر کے ہم شہر کے مشرق میں واقع شمالی ٹاور کیمپ پر پہنچ گئے ہیں اور آپ اس کیمپ سے مہر نیوز ایجنسی کے نمائندے کی رپورٹ کا ذیل میں مشاہدہ کر سکتے ہیں۔
اس سفر میں مہر نیوز کا نمائندہ لبنان کے جنوبی علاقوں کا سفر کرے گا اور ان علاقوں میں مقبوضہ فلسطین کے ساتھ ملنے والی لبنان کی سرحدوں کی صورتحال کی رپورٹ بھی پیش کرے گا۔
