[]
حیدرآباد: سائبرآباد ٹریفک پولیس نے شہرحیدرآباد کے کیبل بریج پر بائیک پر بائیکس کے ذریعہ کرتب بازی کرنے والوں کے خلاف سخت کارروائی کا انتباہ دیا ہے۔سائبرآباد ٹریفک پولیس نے اس خصوص میں ایک ویڈیو ٹوئیٹ کیا جس میں ایک نوجوان کو کیبل بریج پر کرتب بازی کرتا ہوا دیکھاگیا ہے۔
اس نوجوان نے کہاکہ کرتب بازی پر اس کو پولیس نے پکڑا اور جرمانہ عائد کیا۔اس نے کہا کہ وہ آئندہ ایسا کام نہیں کرے گااور دوسرے بھی نہ کریں۔ٹریفک پولیس نے گاڑی سواروں اور والدین کو توجہ دلاتے ہوئے کہا کہ سڑک پر ان کی سلامتی اور دوسروں کی بہتری اہمیت کی حامل ہے۔
ٹریفک پولیس نے ایسے خطرناک اسٹنٹس کرنے سے گریز کی خواہش کی ہے۔ساتھ ہی ایسی سرگرمیاں انجام دینے والوں کے خلاف سخت کارروائی کا بھی انتباہ دیاگیا۔
