[]
حیدرآباد: تلنگانہ کانگریس کے سربراہ ریونت ریڈی نے ریاست میں کانگریس کی کامیابی کو تلنگانہ کے شہیدوں کے نام کیا۔انہوں نے حیدرآباد میں کانگریس پارٹی کی شاندار جیت کے موقع پر میڈیا سے بات کرتے ہوئے کہا ”میں تلنگانہ کے عوام کا شکریہ ادا کرنا چاہوں گا کہ جنہوں نے کانگریس لیڈروں کو سونیا گاندھی کا شکریہ ادا کرنے کا موقع فراہم کیا۔
اس فیصلہ کے ذریعہ کانگریس پارٹی کی ذمہ داری بڑھ گئی ہے کہ وہ عوام کی امنگوں کو پورا کرے۔ تلنگانہ کے عوام نے جمہوریت کو بحال کیا۔بھارت جوڑو یاترا تلنگانہ میں 21 دن تک جاری رہی۔
راہول گاندھی نے یقین دلایا کہ میں رہوں گا۔راہل نے میری اور بھٹی وکرمارککا کی بہت حوصلہ افزائی کی۔سونیا گاندھی،راہل گاندھی۔ پرینکا گاندھی کا تلنگانہ سے خاندانی تعلق ہے۔ مجھے امید ہے کہ بی آرایس ایک اپوزیشن پارٹی کے طور پر تعاون کرے گی۔ اب سے پرگتی بھون پرجا بھون ہو گا“
