’تمام طلبہ بغیر کسی خوف کے امتحان دیں‘، نیٹ کے دوبارہ امتحان سے قبل مرکزی وزیر تعلیم دھرمیندر پردھان کا پیغام

الیکٹرانک ذرائع سے دھوکہ دہی کو روکنے کے لیے 51,311 جیمرز تعینات کیے گئے ہیں۔ ان میں سے 17,054 جیمر ای سی آئی ایل اور 34,257 جیمرز بی ای ایل کے ذریعے فراہم کیے گئے ہیں۔ امیدواروں کی شناخت کو یقینی بنانے کے لیے حفاظتی انتظامات مزید سخت کر دیے گئے ہیں۔ ملک بھر میں 38,795 فریسکنگ اہلکار اور 48,448 بائیو میٹرک تصدیق کے اہلکار تعینات کیے گئے ہیں۔ بائیو میٹرک تصدیق کے لیے اہلکاروں کی تعداد کو دوگنا کر دیا گیا ہے، اور تیز رفتار اور شفاف امتحانی عمل کو یقینی بنانے کے لیے چہرے کی تصدیق کو بھی نافذ کیا گیا ہے۔