مہر خبررساں ایجنسی کی رپورٹ کے مطابق، ایران کی سپریم نیشنل سکیورٹی کونسل کے نائب سیکریٹری علی باقری کنی نے کہا ہے کہ ایران امریکہ کی جانب سے روکے گئے تمام مالی اثاثوں کی مکمل آزادی کا خواہاں ہے۔
انہوں نے تاکید کی کہ ایرانی عوام کے اثاثوں کی واپسی کسی سیاسی شرط یا دباؤ سے مشروط نہیں ہونی چاہیے بلکہ انہیں مکمل طور پر ایران کے حوالے کیا جانا ضروری ہے۔
علی باقری نے مزید کہا کہ ایران اپنے قانونی حقوق کے حصول کے لیے سنجیدہ ہے اور قومی سرمایہ کی واپسی کو بنیادی حق سمجھتا ہے۔
