ایران جنگ نے یو اے ای کی تیز رفتار ترقی پر لگا دیا بریک، کاروباری اور پیشہ ور افراد نے دوسرے ملک کا کیا رخ!

کووڈ-19 کے بعد دبئی نے دنیا بھر کے سرمایہ کاروں، کرپٹو کاروباریوں اور امیر پیشہ ور افراد کو اپنی طرف متوجہ کیا تھا۔ ٹیکس میں رعایت، آسان ضابطے اور تیز رفتار ترقی نے اسے عالمی مالیاتی مرکز بنا دیا تھا لیکن اب ایران جنگ نے پہلی بار اس ماڈل کی کمزوریوں کو بے نقاب کیا ہے۔ حالانکہ ماہرین کا خیال ہے کہ متحدہ عرب امارات کے پاس اب بھی مضبوط معاشی وسائل ہیں اور دبئی مکمل طور پر کمزور نہیں ہوگا۔ لیکن یہ صاف ہوگیا ہے کہ ہرمز کے بحران اور علاقائی جنگ نے خلیج کی سب سے چمکدار معیشت کی رفتار پر بریک لگا دیا ہے۔