جہانگیر خان کے بیان کے بعد ترنمول کانگریس نے سخت ردعمل ظاہر کرتے ہوئے کہا کہ امیدوار کا فیصلہ ان کا ذاتی فیصلہ ہے، پارٹی کا نہیں۔ پارٹی کی جانب سے جاری بیان میں الزام لگایا گیا کہ 4 مئی کو انتخابی نتائج سامنے آنے کے بعد صرف فالٹا اسمبلی حلقے میں ترنمول کانگریس کے ایک سو سے زیادہ کارکنوں کو گرفتار کیا گیا۔
ترنمول کانگریس نے اپنے بیان میں کہا کہ پارٹی دفاتر میں توڑ پھوڑ کی گئی، کئی دفاتر پر زبردستی قبضہ کیا گیا اور کارکنوں کو مسلسل ڈرایا دھمکایا گیا۔ پارٹی کے مطابق بار بار شکایت کے باوجود الیکشن کمیشن نے کوئی مؤثر کارروائی نہیں کی اور صورتحال پر خاموشی اختیار کیے رکھی۔
