’مدھیہ پردیش کے اقتدار سے بی جے پی کو باہر کر داغ کو صاف کریں‘، عوام سے کھڑگے کی اپیل

کھڑگے نے مزید کہا کہ بی جے پی نے ریاست کو داغدار کرنے کا کام کیا ہے، اور یہ داغ صابن سے دھونے پر بھی نہیں جا سکتا۔ اس لیے بی جے پی کو اقتدار سے باہر کر کے اس داغ کو صاف کرنا ضروری ہے۔ انھوں نے کہا کہ اپنے کو ماما کہنے والے شیوراج کے 18 سال کی حکومت میں مدھیہ پردیش میں سب سے زیادہ بچے نقص تغذیہ کے شکار ہیں اور خواتین غیر محفوظ ہیں۔ بی جے پی کے لوگ ہاتھی کے دانت کی طرح ہیں جو کہتے کچھ ہیں اور کرتے کچھ الگ ہی ہیں۔