حیدرآباد: تلنگانہ کے کئی اضلاع میں تیز ہواؤں کے ساتھ بارش ہوئی۔ شدید گرمی سے پریشان عوام کے لیے یہ بارش راحت کا باعث بنی۔
سوریہ پیٹ میں تیز ہواؤں کے ساتھ بارش ہوئی جس کے باعث خریداری مراکز میں رکھا ہوا اناج بھیگ گیا اور کسانوں کو مشکلات کا سامنا کرنا پڑا۔سدی پیٹ کے حسن آباد میں بھی تیز ہواؤں کے ساتھ بارش ہوئی۔
مقامی منڈی میں دھان اور مکئی بھیگنے سے کسانوں نے تشویش ظاہر کی۔منچریال کے مندا مرری اور رام کرشنا پور میں شدید بارش ہوئی۔ تیز ہواؤں کے باعث درخت اور بجلی کے کھمبے گر گئے جس سے مندا مرری اور سنگارینی کالونیوں میں برقی کی فراہمی معطل ہو گئی۔
ورنگل کے متحدہ اضلاع میں بھی کئی مقامات پر تیز ہواؤں کے ساتھ بارش ریکارڈ کی گئی۔ ایٹورو و ناگارم میں تیز ہواؤں کے ساتھ موسلادھار بارش ہوئی۔نلگنڈہ کے مختلف علاقوں میں بھی تیز ہواؤں کے ساتھ بارش ہوئی۔ نکریکل کے کئی علاقوں میں درخت گرنے کی اطلاعات بھی موصول ہوئیں۔
ریاست کے بعض مقامات پر جہاں گرمی کی شدید لہر جاری ہے وہیں کچھ مقامات پر تیز ہواوں کے ساتھ بارش ہورہی ہے۔
