آ گیا شادی کا سیزن! بازاروں کی رونق ہوگی بحال، دہلی میں 3 لاکھ کروڑ روپئے کے ممکنہ کاروبار کے لیے تاجر پُرامید

یاد رہے کہ ہندوستان میں شادیوں کا سیزن ہر سال بازار کے لیے نئی ​​امید کی کرن لے کرآتا ہے۔ شادیاں، خاص طور پر ’اکشے ترتیا‘ جیسے ’نیک ایام‘ میں انتہائی مبارک مانی جاتی ہیں۔ اس دوران سونا خریدنا اور نیا کام شروع کرنے کی بھی روایت ہے۔ یہی وجہ ہے کہ موجودہ جنگ اور بحران کے دوران بھی کاروباری اس موقع کا انتظار کررہے ہیں۔ امید کی جا رہی ہے کہ شادی کا یہ سیزن بازار کو بحال کر دے گا اور پہلے سے جنگ کی وجہ سے کساد بازاری کا سامنا کررہے تاجروں کو راحت فراہم کرے گا۔