عادل آباد، 13/ اپریل(اردو لیکس)عادل آباد کے تلنگانہ ویلفیئر ریذیڈنشل ڈگری کالج میں لیکچرار کی حیثیت سے خدمات انجام دے رہی محترمہ ممتاز بیگم نے باوقار ڈگری ڈاکٹر آف فلاسفی (Ph.D.) حاصل کرلی ہے۔ اس کامیابی کا اعلان کالج کے پرنسپل ڈاکٹر ایم شیو کرشنا نے فخر کے ساتھ کیا۔
عادل آباد کی رہائشی ممتاز بیگم نے اپنی ابتدائی تعلیم مقامی اردو میڈیم سرکاری اسکول سے مکمل کی۔ بعدازاں اعلیٰ تعلیم کے لیے انہوں نے انگریزی میڈیم اختیار کیا اور اپنی مسلسل محنت و لگن کے ذریعے تعلیمی میدان میں نمایاں کامیابیاں حاصل کیں۔
انہوں نے تلنگانہ یونیورسٹی سے وابستہ ادارے، حیدرآباد کے سینٹر فار اکنامک اینڈ سوشل اسٹڈیز (CESS) میں پروفیسر ای۔ ریوتی کی نگرانی میں اپنی تحقیق مکمل کی۔ ان کا تحقیقی مقالہ “اسلامک مائیکرو فنانس: مالی شمولیت کا ایک ذریعہ — ریاست تلنگانہ کا میدانی مطالعہ” کے عنوان سے تھا، جس کی بنیاد پر انہیں پی ایچ ڈی کی ڈگری عطا کی گئی
۔اس موقع پر پرنسپل ڈاکٹر ایم شیو کرشنا نے ممتاز بیگم کی علمی کامیابی کو قابلِ تحسین قرار دیا اور امید ظاہر کی کہ وہ مستقبل میں بھی تعلیمی میدان میں مزید نمایاں کامیابیاں حاصل کریں گی۔ اس کامیابی پر ساتھی اساتذہ اور طلبہ نے بھی مسرت کا اظہار کرتے ہوئے انہیں مبارکباد دی۔
