[]
حیدرآباد: بی آر ایس کے کارگزار صدر کے ٹی راما راؤ نے یقین ظاہر کیا کہ 3 دسمبر کے بعد ریاست میں بی آر ایس مسلسل تیسری بار حکومت کی باگ ڈور سنبھالے گی۔
آج ہوٹل پارک حیات میں سی ایم ایس ٹی ای کے اجلاس سے خطاب کرتے ہوئے انہوں نے کہا کہ دنیا میں ہر شخص کو یکساں حقوق ملنا چاہئے۔
ہر شخص کے پاس کچھ نہ کچھ صلاحیت ہوتی ہیں اور یہ صلاحیت کسی انفرادی شخص یا کسی مخصوص طبقہ کی جاگیر نہیں ہوسکتی۔ انہوں نے کہا کہ خدا نے انسان کو پیدا کیا مگر انسان نے انسان کو ذات پات میں تقسیم کردیا۔
ہر شخص کو دستیاب مواقع سے استفادہ کرتے ہوئے مستقبل کو تابناک بنانا چاہئے۔
سی ایم ایس ٹی ای پروگرام کے ذریعہ کامیابی حاصل کرنے پر500 قبائیلی نوجوانوں کو مبارکباد دیتے ہوئے انہوں نے دوسروں کو ان کامیاب نوجوانوں سے تحریک حاصل کرنے کا مشورہ دیا اور قبائیلی برادری کیلئے خصوصی انڈسٹریل پارک کیلئے کوشش کرنے کا مشورہ دیا۔
اس تقریب سے ریاستی وزیر قبائیلی بہبود ستیہ وتی راتھوڑ نے بھی خطاب کیا۔
