مہر خبررساں ایجنسی کی رپورٹ کے مطابق، فرانسیسی اخبار لو فیگارو نے لکھا ہے: فرانسیسی چیف آف آرمی اسٹاف جنرل فابین ماندون نے ایک سکیورٹی و دفاعی فورم سے خطاب کرتے ہوئے امریکا کی پالیسیوں پر شدید تنقید کی۔
انہوں نے کہا کہ امریکا اب ایک ایسا اتحادی بن چکا ہے جو تیزی سے ناقابل پیش گوئی ہوتا جا رہا ہے اور بعض اوقات فوجی کارروائی شروع کرنے سے قبل اپنے اتحادیوں کو آگاہ کرنا بھی ضروری نہیں سمجھتا۔
جنرل ماندون نے کہا کہ مشرق وسطیٰ میں امریکی مداخلت سے متعلق فیصلے بھی بغیر اطلاع کیے گئے، جس کے اثرات فرانس کی سلامتی اور مفادات پر پڑ رہے ہیں۔
انہوں نے مزید کہا کہ موجودہ صورتحال میں فرانسیسی مسلح افواج کی اولین ترجیح یہ رہی ہے کہ خطے سے گزرنے والے اپنے شہریوں کے تحفظ کو یقینی بنایا جائے۔
اس حوالے سے فرانسیسی وزارت مسلح افواج کے ایک نمائندے نے بھی کہا کہ خطے میں فرانس کے مفادات کو خطرات لاحق ہو چکے ہیں۔
