لکھنؤ: بھوجپوری لوک گلوکارہ نیہا سنگھ راٹھور نے اپنے خلاف درج مقدمات اور جاری قانونی کارروائی پر ردعمل دیتے ہوئے کہا ہے کہ وہ سپریم کورٹ کے احکامات پر مکمل طور پر عمل کر رہی ہیں اور آئندہ بھی قانون کے دائرے میں رہتے ہوئے اپنی بات رکھتی رہیں گی۔ ان کا کہنا ہے کہ انہوں نے پولیس تفتیش میں وہ تمام تعاون فراہم کیا ہے جو ان کی ذمہ داری بنتی تھی۔
حال ہی میں آئی اے این ایس سے گفتگو میں نیہا سنگھ راٹھور نے بتایا کہ ان کا بیان درج کیا جا چکا ہے اور اب پولیس اس بیان کی بنیاد پر آگے کی کارروائی کرے گی۔ انہوں نے کہا کہ ان کے خلاف بنائے گئے ماحول میں چھوٹی چھوٹی باتوں پر بھی مقدمات درج ہو جاتے ہیں۔ ان کے مطابق اگر کوئی شخص محض سوال اٹھا دے یا رائے کا اظہار کر دے تو اسے قانونی الجھنوں کا سامنا کرنا پڑتا ہے۔
